芝味

小時侯最愛就是卡夫片裝芝士，少少奶味、「林滋滋」，喜歡跟細佬幾層摺埋叠住食。到了十幾歲，卡夫芝士已經和火腿去做飛碟駕駛員；就開始偷雪櫃裏媽咪的私家零食 ── Laughing Cow的三色粒裝芝士，最好味是綠色Onion，一啖要食兩粒才夠滋味；到了廿幾歲，偶爾在家中食到blue cheese加餅干仔，又再次勾起芝士癮。

忽然發覺，「芝味」會隨年齡改變。

Blue Cheese小時覺得好腥好鹹好臭，然後現在再食就覺得好鮮好滑好鹹香，有時甚至忍不住要開雪櫃用手指「點少少」嘆下。之後遇過「散收收」不夠滑但又好咬口的Parmesan；到近期「睇劇」喜歡「嘆住食」滑嘟嘟、甜甜酸酸、配士多啤梨jam一流的Petit-Suisse 。

現在再食卡夫芝士依然會想起從前在家中雪櫃的氣味；Blue Cheese回憶中的嗅覺錯覺有時亦會令我想起於澳洲居住的青草味；也許有一天我同樣會記起Petit-Suisse的「hea」味。

「芝味」對我的吸引大概就是這些來自記憶中的幸福感。


我的芝士介紹：Cheese芝士